José Baldomir Rodríguez Director e Compositor A Coruña

José Baldomir Rodríguez, director e compositor de A Coruña

Aportación de Fer Norat que atopou este artigo de blogs.laopinioncoruna.es :

"Pouco ía sospeitar o coruñés José Baldomir que unha das súas composicións alcanzaría fama internacional medio século despois da súa morte gracias a un dos músicos galegos máis afamados dos nosos, Carlos Núñez.... O gaiteiro vigués fixo unha versión propia dunha melodía de Baldomir e escolleu o seu nome para titular o disco na que a incluíu: Maio longo. Pero xa no seu tempo Baldomir foi un músico recoñecido en Galicia e España. Naceu no ano 1867 e o seu prestixio e a súa formación permitíronlle acceder á Real Academia Galega e á de Bellas Artes Nuestra Señora del Rosario. Foi profesor de Conxunto e Masas Corales na Escuela de Bellas Artes de A Coruña e dirixíu os orfeóns El Eco e El Brigantino. No ano 1906 realizou unha xira por numerosas cidades de España, Francia e Portugal na que divulgou as melodías que tiña composto a partires das poesías dos mellores autores galegos. Entre estos temas figuran Meus amores, ¿Cómo foi?, ¿Por qué? ou No ceo azul, ademais da mencionada Maio longo. Outras composicións de Baldomir foron as pezas musicais que se integraron en obras de teatro, como Santas e Meigas, escrita por Linares Rivas e estreada no Teatro da Zarzuela de Madrid. Tamén compuxo unha ópera que non chegou a representar, A virxe do Cristal, baseada na lenda narrada por Curros Enríquez e que foi adaptada por Ramón Cabanillas. José Baldomir tamén se dedicou á crítica musical e mesmo á investigación, xa que colaborou con Ramón de Arana na recollida de composicións populares galegas para que foran incluidas no cancioneiro de Pedrell e Inzenga. O músico coruñés finou no 1947 e o concello que presidía Sergio Peñamaría de Llano decideu adicarlle unha rúa no 1962..."/ J. M. Gutiérrez

Autor do artigo: J.M.Gutiérrez

 http://www.youtube.com/watch?v=1ywDlTh1i4k&feature=player_embedded

José Baldomir coas coristas do orfeón El Eco
















Para escoitar a súa música:
Música Gallega,José Baldomir Rodríguez (Coruña 1867-1947)

http://www.youtube.com/watch?v=1ywDlTh1i4k&feature=player_embedded